Sher Wali Khan Aseer Poetry






A ma Chetraro hoshiyar juananan!

A ma Chetraro hoshiyar juananan!
Ma zhan ma hardi ma jigar juananan!
Zaheen,qabil,tez traar juananan!
Pisa bore la masum yar juananan!
Gyor ki e biti manzilot safar kosi
Hash mo raur ki shurugh kurar kosi

Pisa gherat de kosari khosht neki
Khuro tehzeeb ta sari rosht neki
Kaltu palastic kirkn phost neki
Pisa shrafat e kamzori mo noyar
Pisa tehzib e majboori mo noyar

Hami qam maslako luan achi pechhur
Kuho che sarhado luan achi pechhur
Changi syasato luan achi pechhur
Me shum adawato luan achi pechhur
Egho dust egho brar egho yar biti
Egho hosta chokur madad gar biti

Tante khairkha mo joshe shur drako tu
Na ke phurlakiro, na ke phur drako tu
Tan pyala tip tate e thhur drako tu
Apako chhuti ghecho shughur drako tu
Tan haqo tu ajizia no aweri gane
Bazuo wahti gane ghecho loli gane

Jahilio, gharibio su jang korelik
Ewelti lahzio su jang korelik
Yahudio jehadio su jang korelik
Hate chhogh shrabio su jang korelik
Haya jango bache dung atehad belik
Nasihat Aseero ya pisate yad bellik


Haya zamana pesa sar tezi mashkiran,
Sailo ghuzar no e mahmezi mashkiran
Chow chaghez kori ma ta rezi mashkiran
Mehnat,riyazat wa sahr khezi mashkiran
Chhitraro pesate intizar, juananan!
A ma Chhitraro hushyar juananan!

Sher Wali Khan Aseer
--------------------------------------------------




No comments:

Post a Comment

Say something if you want

Related Posts Plugin for WordPress, Blogger...